Malayalam lyrics

നദി നദി നദി
അലകളാൽ ചിറ്റാട നെയ്യുന്നു
കിളി കിളി കിളി
സ്വരങ്ങളാൽ ചിറ്റോളം തീർക്കുന്നു
പവിഴമേഘം മെല്ലെ ഒഴുകി ഒഴുകി
മലകളെ പൊതിയുന്നു
ആഹാഹാ പവനനെങ്ങും ഇഴ പാകി പാകി
അനുരവം മീട്ടുന്നു
       [ നദി നദി നദി....
അക്കരെ തേരോട്ട തുടക്കം ഇങ്ങ്
ചിത്തിര പെണ്ണിന്റെ ഒരുക്കം
വിരിയും പൂവിന്റെ സുഗന്ധം
എന്റെ കരളിലാമോദ വസന്തം
ഒരടി കുന്നിറങ്ങി വന്നു
ഒരു ഈരടി കാതിൽ മൂളിതന്നു
തെച്ചിമാല മാറിലിട്ടു നിൽപ്പൂ
നിന്നെ വെറ്റിലപാക്ക് വെച്ചു വിളിപ്പൂ
കൂടെ വരുമ്പോൾ ഇന്ന് കൂട്ടു വരുമ്പോൾ
എന്റെ നെഞ്ചിനുള്ളിൽ ഉത്സവമന്നേരം
         [ നദി നദി നദി.....
ഇത്തിരി പൂമൊട്ടിൻ നടനം
വർണ്ണ ചിറകു നീർത്തുന്നു ശലഭം
നെറ്റിയിൽ കസ്തൂരി തിലകം
നിന്റെ മിഴിയിൽ നക്ഷത്ര നികരം
ആരണ്യ നീലിമയിൽ കുളിച്ചു
ഞാൻ ആനന്ദ നീരലയിൽ തുടിച്ചു
മാണിക്യ മഞ്ചലൊന്നു തീർത്തു ഞാൻ
മാനസ നാളിൽ നിന്നെ കാത്തു
കൂടെ വരുമ്പോൾ ഇന്ന് കൂട്ടു വരുമ്പോൾ
എന്റെ നെഞ്ചിനുളളിൽ ഉത്സവമൊന്നേതോ
         [ നദി നദി നദി .....

Song video

Watch on YouTube

Song information

Music: എസ് പി വെങ്കടേഷ്

Lyricist: ഗിരീഷ് പുത്തഞ്ചേരി

Singer: ശ്രീനിവാസ്സുജാത മോഹൻ

Film/album: ആയിരം മേനി

Explore this song