Malayalam lyrics

തുളുനാടൻ തുമ്പിപ്പെണ്ണേ
കിളിവാലൻ വെറ്റിലയുണ്ടോ
മണവാളൻ വരവായെടീ വട്ടപ്പൊട്ടഴകേ
തിരുവോണസദ്യയൊരുക്കണം
എരിശ്ശേരിക്കെന്തെടീ പെണ്ണേ
മുറിവാലനു ചെറുചോറിനു തുമ്പപ്പൂ മതിയോ
തുടുതിങ്കൾ പപ്പടവും പലകൂട്ടം പായസവും
തളിർ നാക്കില നല്ലില വെയ്ക്കടീ വർണ്ണപ്പൈങ്കിളിയേ
(തുളുനാടൻ...)
കണ്ണേ കണിമഞ്ഞേ നിന്നെക്കണ്ടാൽ കനവൂറും പ്രായം
മുല്ലവള്ളിത്തെല്ലു പോലെ തത്തും തളിരുടലിൽ
മിന്നാരപ്പൊന്നോടെ മിഴി മിന്നും മെയ്യോടെ
വന്നാലും പെണ്ണാളേ പൂപ്പട കൂട്ടീടാൻ
(തുളുനാടൻ...)

പൂവേ പുതുപൂവേ നിന്നെ പുൽകാൻ പുലർകാലം വന്നേ
പൂമുഖത്തെപ്പൊൻ കളത്തിൽ മെല്ലെ കണിയുണര്
ആരോമൽ തേരേറി അണിയാരച്ചെപ്പേന്തി
വരണുണ്ടേ വരണുണ്ടേ മാബലിയിതു വഴിയേ
(തുളുനാടൻ...)

Song information

Music: എം ജയചന്ദ്രൻ

Lyricist: ഗിരീഷ് പുത്തഞ്ചേരി

Singer: വിജയ് യേശുദാസ്

Film/album: കുടമുല്ലപ്പൂ - ആൽബം

Explore this song