Malayalam lyrics

തിരിഞ്ഞും മറിഞ്ഞും 

ഇരുളിൽ മിഴികൾ വഴിപിഴച്ചും 

ദീർഘശ്വാസങ്ങൾക്കിടയിൽ ചോദ്യങ്ങൾ നെഞ്ചിൽ തറച്ചും 

ചിരിയൊരെണ്ണം ചുണ്ടിലൊട്ടിച്ചും നടന്ന നേരം 

ഒരുത്തരുമറിഞ്ഞിരുന്നില്ല

ചങ്ക് തീച്ചൂളയിൽ വേവുന്നെന്ന്

ഉറക്കമില്ലാരാത്രികളും ഉണർവില്ലാപകലുകളും 

ഇഴഞ്ഞു നിരങ്ങി കുരച്ചു കടന്നുപോയി 

ദേഹം വിറച്ചും ഉള്ളം കിതച്ചും 

തൊണ്ടകുഴിയതിലായ് വാരിയിട്ട കനലുകളിൽ വെന്തുചാവും നേരത്തും 

കണ്ണടച്ചു മെല്ലെ ചൊല്ലി ഞാൻ   

ഈ നേരവും കടന്നുപോകും

ആരോ ആരോ ഉള്ളിൽ പാടും 

പാട്ടിൻ ഈണം കണ്ടീ കണ്ണീർ പൂവായ് പൊഴിയേ 

ഞാൻ തനിയേ തേങ്ങുന്നേ

തേങ്ങുന്നേ  

 

പുറമേ ചിരിയും അകമേ കണ്ണീരും കൊണ്ടുനടന്നകലേ 

മറയുന്നോരെൻ കിനാവുകൾക്കു യാത്രപറഞ്ഞകലേ    

മായാൻ ദൂരേയ്‌ക്കോടിമറഞ്ഞീടുവാൻ 

ഹൃദയം അലറിക്കരയും നിമിഷവുമിന്നോർമയിലായ്  

മങ്ങാതെ മായാതെ വെയിലുപോലെയിന്നുമുള്ളിൽ കത്തിനിൽക്കും നേരത്തും

കണ്ണടച്ചു മെല്ലെ ചൊല്ലി ഞാൻ      

 

ഈ നേരവും കടന്നുപോകും

ആരോ ആരോ ഉള്ളിൽ പാടും 

പാട്ടിൻ ഈണം കണ്ടീ കണ്ണീർ പൂവായ് പൊഴിയേ 

ഞാൻ തനിയേ തേങ്ങുന്നാരോ ആരോ ഉള്ളിൽ പാടും 

പാട്ടിൻ ഈണം കണ്ടീ കണ്ണീർ പൂവായ് പൊഴിയേ 

ഞാൻ തനിയേ തേങ്ങുന്നേ

Song information

Music: ഗൗരി ലക്ഷ്മി

Lyricist: ഗൗരി ലക്ഷ്മി

Singer: ഗൗരി ലക്ഷ്മി

Film/album: ഇഷ്‌ക്

Explore this song