Malayalam lyrics

ഗാനമാണു ഞാൻ കാതിൽ മൂളുമോ
മാറിൽ നീ അമരുമോ പൂപോലെ
ഈണമാണു ഞാൻ വീണയാകുമോ
കൈകളാൽ പുണരുകിൽ തേൻനാദം
തനുവിതൾ ചേരും തെന്നലേ
വരിക നീലവനിയിൽ
നനവിനു ദാഹം മണ്ണിലെ
മുളയരി മതിയുടെ കനവിൽ
ഗാനമാണു ഞാൻ കാതിൽ മൂളുമോ
മാറിൽ നീ അമരുമോ പൂപോലെ

വാകകൾ പൂത്തു വനഹൃദയത്തിൽ
വരനദി ചൂടി വരണസിന്ദൂരം
കളി ചൊല്ലിയണഞ്ഞു ചുടുചെല്ലക്കാറ്റിൻ മാറിലെ
നറു ചന്ദനഗന്ധം തനു തൂവേർപ്പിൽ ഈറനായി
യമുനയിലീ യാമിനിയിൽ കുളിരിടും സല്ലാപവുമായി
ഇനി വരു സഖി പ്രണയിനി പ്രമദയായി
ഗാനമാണു ഞാൻ കാതിൽ മൂളുമോ
മാറിൽ നീ അമരുമോ പൂപോലെ

കാർമുകിൽ വാനിൽ നിറയുകയായി
പവനണി മിന്നൽപിണരുകളോടെ
മഴവില്ലു വിരിഞ്ഞു ജലകുംഭക്കാവടി ആടിടും
ഘനമദ്ദനതാളം മയിലാടിടും മേളമായി
മൊഴിയുമോ വീണാരവമായി  നനുനനെ ശൃംഗാരമഴ
ഇതിൽ അലിയുവാൻ പുളകമായി നനയുവാൻ
ആ അ ആ ആ ആ
ഗാനമാണു ഞാൻ കാതിൽ മൂളുമോ
മാറിൽ നീ അമരുമോ പൂപോലെ

Song video

Watch on YouTube

Song information

Music: അൽഫോൺസ് ജോസഫ്

Lyricist: ബീയാർ പ്രസാദ്

Singer: ശ്രീനിവാസ്സുജാത മോഹൻ

Film/album: ഇരുവട്ടം മണവാട്ടി

Explore this song