Malayalam lyrics

കളവാണീ നീയാദ്യം കൺ മുന്നിൽ വന്നപ്പോൾ
പല ജന്മം മുന്പേ നമ്മൾ
പരിചിതരാണെന്നു തോന്നി
ഒരു പ്രേമത്തിൻ കനലെന്റെ നെഞ്ചിൽ നീറി
നെഞ്ചിൽ നീറി
വളയില്ലാ തളയില്ല മാൻ കണ്ണിൽ മഷിയില്ല
എന്നിട്ടും സഖി നിന്നെ തിരിച്ചറിഞ്ഞു
ഞാൻ തിരിച്ചറിഞ്ഞു
വളയില്ലാ തളയില്ല മാൻ കണ്ണിൽ മഷിയില്ല
എന്നിട്ടും സഖി നിന്നെ തിരിച്ചറിഞ്ഞു
ഞാൻ തിരിച്ചറിഞ്ഞു
പൊയ് പോയ ജന്മത്തിൻ പൊട്ടാത്ത ചരടിന്മേൽ
മണി മുത്തേ വിധി നിന്നെ കോർത്തു വെച്ചു
കോർത്തു വെച്ചു
(കളവാണീ നീയാദ്യം )
കഥയൊന്നും പറയാതെ
ഹൃദയങ്ങൾ അറിയാതെ
വരമായി സഖി നിന്നെ തിരിച്ചു തന്നു
എന്നെ വിളിച്ചു തന്നൂ
കഥയൊന്നും പറയാതെ
ഹൃദയങ്ങൾ അറിയാതെ
വരമായി സഖി നിന്നെ തിരിച്ചു തന്നു
എന്നെ വിളിച്ചു തന്നൂ
എൻ മൌന ഗാനത്തിൻ പൊന്നോമൽ പൂവായ്
ആത്മാവിൻ വനി നിന്നെ വിടർത്തി നിർത്തി
വിടർത്തി നിർത്തി
(കളവാണീ നീയാദ്യം )

Song information

Music: മോഹൻ സിത്താര

Lyricist: യൂസഫലി കേച്ചേരി

Singer: കെ ജെ യേശുദാസ്

Film/album: ദീപസ്തംഭം മഹാശ്ചര്യം

Explore this song