Malayalam lyrics

കണ്ണേ പുന്നാരെ നീ ജീവന്റെ ജീവനല്ലേ
പൊന്നുപോൽ നിന്നെ ഞാൻ നോക്കിടുമേ
വാവാവൊ പാടി ഉറക്കിടാം ഞാൻ
നീ എന്നെന്നും എന്റേതായ് തീർന്നില്ലേ
ഞാൻ പടീടും പാട്ടെന്നും താരാട്ടായ്

എന്മാറിൽ മയങ്ങിടും പൈതലേ നീ
എന്നും നീ എന്റെതല്ലേ
നിൻ ഓർമ്മയെന്നും എന്റെയുള്ളിൽ
ആയിരം പൂക്കൾ വിടർത്തി
ഇനി ഞാൻ എന്തു ചൊല്ലി വിളിക്കും
അഴകെഴും എൻ കണ്മണിയെ
നല്ലോമനയായ് നീ ഉറങ്ങ്
ആരീരോ ആരാരോ
കണ്ണേ പുന്നാരെ...

കുരുന്നു ചുണ്ടത്തെ നിൻ പുഞ്ചിരിയെന്നും
മായാതെ സൂക്ഷിക്കാൻ നോക്കിടേണം
മാനത്തെ മാരിവിൽ ശോഭപോലെ
നിൻ മുഖമെന്നും ഒളിചിതറട്ടെ
നിൻ കവിളില്ലൊരുമ്മ തരാൻ
വെമ്പുന്നിന്നെൻ ഹൃദയം
പൊന്നോമനയായ് നീ ഉറങ്ങ്
ആരീരോ ആരാരോ
കണ്ണേ പുന്നാരെ...

Song information

Music: സ്കറിയ ജേക്കബ്

Lyricist: സ്കറിയ ജേക്കബ്

Singer: സ്കറിയ ജേക്കബ്

Film/album: നാദം - സ്വതന്ത്രസംഗീതശാഖ

Explore this song