Malayalam lyrics

കടൽ കാറ്റിന് നെഞ്ചിൽ 
കടലായ് വളർന്ന സ്നേഹമുറങ്ങി 
കനലായെരിഞ്ഞ സന്ധ്യ മയങ്ങീ 
മുകിൽ കാട്ടിൽ നിന്നും 
മഴയായ് പൊഴിഞ്ഞ രാഗമലിഞ്ഞു 
മിഴിനീരണിഞ്ഞ രാത്രി തളർന്നു 
തിരയിളകുന്നു.. നുരചിതറുന്നു 
ഇരുളിൻ തീരങ്ങളിൽ ...
(കടൽ ..)
പരിഭവ ചന്ദ്രൻ പാതിമറഞ്ഞു 
പാടാൻ മറന്നു കുയിലിണകൾ 
താരുകൾ വാടി തളിരുകൾ ഇടറി 
രജനീ ഗന്ധികൾ വിടരാതായി 
നിലാപൂപ്പന്തലോ... കനൽ കൂടാരമായി 
തമ്മിൽ മിണ്ടാതെ പോകുന്നു രാപ്പാടികൾ 
അങ്ങകലെ..ഓ ..അങ്ങകലെ.. 
വിതുമ്പുന്നു മൂകാർദ്രതാരം ..
ഇനിയൊന്നു ചേരുമാവണിയെന്നോ  
(കടൽ ..) 
ആളൊഴിയുന്നു അരങ്ങൊഴിയുന്നു 
നിഴൽ നാടകമോ മായുന്നു 
ഹരിതവനങ്ങൾ ഹൃദയതടങ്ങൾ 
വേനൽച്ചൂടിൽ വേകുന്നു  
വരൂ വാസന്തമേ.. വരൂ വൈശാഖമേ .
നിങ്ങളില്ലാതെ ഈ ഭൂമി മൺകൂനയായ് 
ഇങ്ങിതിലെ ...ഓ ..ഇങ്ങിതിലെ.. 
വരൂ ശ്യാമസാഫല്യ ഗംഗേ..
ഇത് സാമ ഗാന സാന്ത്വനയാമം  
(കടൽ)

Song information

Music: ഇളയരാജ

Lyricist: കൈതപ്രം

Singer: കൃഷ്ണചന്ദ്രൻ

Film/album: ഫ്രണ്ട്സ്

Song video

Watch on YouTube

Additional song details

Singer: സുജാത മോഹൻ

Song video

Watch on YouTube

Additional song details

Singer: കെ ജെ യേശുദാസ്

Explore this song