Malayalam lyrics

കാലത്തെ ഞാൻ കണി കണ്ടു

കരിമ്പു വില്ലും മലരമ്പും (2)

ചില്ലിക്കൊടിയാൽ കാമുകനെയ്തൊരു

മല്ലീശരവും മാമ്പൂവും (2) [ കാലത്തെ..]

ഇന്നു വിണ്ണിനു ചന്തം നോക്കാൻ

കന്യയാളൊരു കണ്ണാടി (2)

ഇന്നു പെണ്ണിനു തിലകം ചാർത്താൻ

പുലരിചോപ്പിൻ സിന്ദൂരം (2) [കാലത്തെ..]

ഇന്നു വന്നൊരു പൂക്കാലത്തിനു

കണ്ണെഴുതാൻ കരിമേഘം (2)

നിന്നു തുള്ളി നൃത്തം വെയ്ക്കാൻ

സുന്ദരമാം വന വീഥി (2) [കാലത്തെ..]

ഇന്നെനിക്കു നീന്തി നടക്കാൻ

കിനാവിന്റെ പെരിയാറ് (2)

പാടിയാടി ഉല്ലസിക്കാൻ

സ്നേഹത്തിൻ പൊന്നൂഞ്ഞാൽ (2) [കാലത്തെ..]

Song information

Music: വിദ്യാധരൻ

Lyricist: പി ഭാസ്ക്കരൻ

Singer: കെ എസ് ചിത്ര

Film/album: വെറുതെ നുണ പറയരുത്

Explore this song