Malayalam lyrics

ഓരോ വസന്തം ഓര്‍മ്മയില്‍ തങ്ങുമ്പോള്‍
ഓരോ തുള്ളി കണ്ണീര്‍ പൊഴിയുന്നു
പോയ വസന്തങ്ങള്‍ എഴുതാത്ത കഥകള്‍
മായതന്‍ മായാത്ത മാന്ത്രികജാലങ്ങൾ
ഓരോ വസന്തം ഓര്‍മ്മയില്‍ തങ്ങുമ്പോള്‍
ഓരോ തുള്ളി കണ്ണീര്‍ പൊഴിയുന്നു
ഉറക്കെ കരഞ്ഞാലും ഉറക്കത്തില്‍ കരഞ്ഞാലും
ഉറവകള്‍ കേള്‍ക്കുന്ന കണ്ണീര്‍ക്കണങ്ങളെ
നീ തീര്‍ക്കും ചാലുകള്‍ കാനനച്ചോലകള്‍
ഞാനതിലാഴ്ത്തുമെന്‍ ആത്മാവിന്‍ ചൂളകള്‍
(ഓരോ വസന്തം...)
ഓര്‍മ്മയില്‍ തങ്ങുന്ന പൊയ്പ്പോയ കാലങ്ങളെ
മുറിവുകള്‍ തീര്‍ക്കുന്ന കള്ളിമുള്‍ച്ചെടി നീ
നീ കോര്‍ക്കും തുള്ളികള്‍ മുന്തിരിച്ചാറുകള്‍
ഞാനതില്‍ തീര്‍ക്കുന്നെന്‍ ആത്മാവിന്‍ ദാഹങ്ങള്‍
(ഓരോ വസന്തം...)

Song information

Music: ആന്റണിമാർട്ടിൻ

Lyricist: മാത്യൂസ് കടമ്പനാട്ആയിലൂർ അപ്പച്ചൻ

Singer: ജി വേണുഗോപാൽ

Film/album: നിയോഗം

Explore this song