Malayalam lyrics

എല്ലാരുമൊന്നിച്ചുകൂടി മോദത്തോടെ

എല്ലാരും സമ്മതം മൂളീ

അന്യോന്യമറിയാത്ത രണ്ടു കിനാക്കളെ

വഞ്ചിയിൽ കൊണ്ടിരുത്തീ - കടവത്തെ

വഞ്ചിയിൽ കൊണ്ടിരുത്തീ

എന്താണ് മിണ്രേണ്ടതെന്നോ പരസ്പരം

എന്താണ് ചെയ്യേണ്ടതെന്നോ

ഒന്നും തിരിയാതെ രണ്ടുപേർക്കുള്ളിലും

എന്തെന്നറിയാത്ത ശങ്ക- തുളുമ്പുന്ന

ചിന്ത നിറയുമാശങ്ക

വാതിൽപ്പടിയുടെ അപ്പുറമിപ്പുറം

നാണം മതിൽ കെട്ടിവെച്ചൂ

ആരാദ്യമാ വല ഭേദിക്കുമെന്നത് 

ചോദ്യമായ് ുള്ളിൽ പിടഞ്ഞൂ

മൂളാത്ത പാട്ടിന്റെ ഈരടി തേടി 

ആ മുറിക്കുള്ളിലൊതുങ്ങീ - ഇരുവരും

മൗനത്തിനുള്ളിൽ ഞെരുങ്ങീ

എല്ലാരുമൊന്നിച്ചുകൂടി മോദത്തോടെ

എല്ലാരും സമ്മതം മൂളീ

അന്യോന്യമറിയാത്ത രണ്ടു കിനാക്കളെ

വഞ്ചിയിൽ കൊണ്ടിരുത്തീ - കടവത്തെ

വഞ്ചിയിൽ കൊണ്ടിരുത്തീ

പാലിൽത്തിളപൊട്ടി പൊങ്ങണ കേട്ടവൻ

ഓടിയടുക്കളേൽച്ചെന്നു

ഏകാന്തസ്വപ്നത്തിൽ നിന്നവൾ പെട്ടെന്ന്

താഴെയിറങ്ങിച്ചിരിച്ചൂ

മൂടിയഴിഞ്ഞൊരു  ചില്ലുഭരണിപോൽ 

വെട്ടമവരിൽ നിറഞ്ഞൂ - ഇരുവരും

വെക്കം മറന്നു ചിരിച്ചൂ

ആ ... ആ ... ആ ...

Song information

Music: പ്രകാശ് അലക്സ്

Lyricist: അനിൽ ലാൽ

Singer: വിദ്യാധരൻസുജാത മോഹൻ

Film/album: ഖാലി പേഴ്സ് ഓഫ് ബില്യണേഴ്സ്

Explore this song