Malayalam lyrics

ഏഹേഹേ ഏഹെഹേ ഹേ

എനിക്കു പാടാനൊരു പാട്ടിലുണ്ടൊരു പെണ്ണ്

എനിക്കു കൂട്ടായൊരു കൂട്ടിനുണ്ടൊരു പെണ്ണ് കിളിപ്പെണ്ണ്

എനിക്കു പാടാനൊരു പാട്ടിലുണ്ടൊരു പെണ്ണ്

എനിക്കു കൂട്ടായൊരു കൂട്ടിനുണ്ടൊരു പെണ്ണ്

കുളിരാമ്പലത്തളിർ കൂമ്പി നിൽക്കണ കണ്ണ്

അവളമ്പിളിയുടെ കുമ്പിളിലൊരു പൊന്ന്

ചിരി കണ്ടാൽ ചൊക ചോപ്പുള്ളൊരു ചുന്ദരിപ്പെണ്ണ്

എനിക്കു പാടാനൊരു പാട്ടിലുണ്ടൊരു പെണ്ണ് കിളിപ്പെണ്ണ്

പവിഴമല്ലി മുല്ലയോ പാൽനിലാവിനല്ലിയോ

മിഴികളാൽ മെനഞ്ഞെടുത്ത മഞ്ഞു മൈനയോ

മഴ നനഞ്ഞ വർണ്ണമോ മാറ്ററിഞ്ഞ സ്വർണ്ണമോ

മകരമഞ്ഞിലൂഞ്ഞലാടും ആതിരേ വരൂ

എനിക്കിനിയൊരു മണിക്കുറുമ്പിന്റെ ചിറകടിയുടെ ചിരിക്കാലം

എനിക്കു മാത്രമുണ്ടൊരു പെണ്ണ്  

അകിൽ പുകഞ്ഞ സന്ധ്യയോ അഴകിൽ മേഞ്ഞ രാത്രിയോ

മറയുവാൻ മറന്നു പോയ പാർവണേന്ദുവോ

വെറുതേയുള്ള സ്വപ്നമോ വേനലിന്റെ രശ്മിയോ

ഇതൾ വിതിർന്ന പാരിജാത രാജമല്ലിയോ

എനിക്കവളുടെ മൊഴി കുടമണി തുടി തുടിക്കണ വെയിൽ നാളം

എനിക്കു മാത്രമുണ്ടൊരു പെണ്ണ് (എനിക്ക്...)

Song information

Music: എം ജയചന്ദ്രൻ

Lyricist: ഗിരീഷ് പുത്തഞ്ചേരി

Singer: സൈനോജ്

Raaga: പീലു

Film/album: ഇവർ വിവാഹിതരായാൽ

Explore this song