Malayalam lyrics

ഇത്ര പകലിനോടൊത്തു ചേർന്നിട്ടുമീ

രാവിതെന്തേറെ കറുത്തുപോയി

നീല നിലാവിൽ കുളിച്ചു വന്നീടുമീ

സൂര്യനെന്തിത്ര ചുവന്നു പോയി

ഇത്രനാളിക്കടൽ തന്നിൽ കിടന്നിട്ടു-

മിക്കല്ലിലെന്തേ നീർത്തുള്ളിയില്ല.

പുഴയിത്രയൊഴുകീട്ടുമീമരച്ചില്ലതൻ

നിഴലെന്തെയൊഴുകാതെ നിന്നീടുന്നു.

മഴപെയ്തൊഴിഞ്ഞിട്ടുമീമാമരത്തളിര്

മിഴിചിമ്മിയെന്തേ കരഞ്ഞീടുന്നു

ദൂരെക്കിളികൾ ചിരിച്ചുപാടുമ്പൊഴും

പൂന്തത്തയെന്തേ പൊൻകൂട്ടിലായി.

അറിയില്ലയെന്തുകൊണ്ടെന്നെൻമനസ്സെനി-

ക്കിതുവരെക്കാണാൻ കഴിഞ്ഞതില്ല.

അറിയാത്ത മനസ്സിനെ കാണാത്ത മനസ്സിനെ

അറിയാതെയൊരുപാട് സ്നേഹിച്ചു ഞാൻ.

Song video

Watch on YouTube

Song information

Music: അനിൽ ഗോപാലൻ

Lyricist: ഒ എസ് ഉണ്ണികൃഷ്ണൻ

Singer: ലഭ്യമായിട്ടില്ല

Film/album: ലസാഗു

Explore this song