Malayalam lyrics

ഇടവഴിയോരത്തെ സുന്ദരീ
പതിനാലാംരാവിലെ ചന്ദ്രിക നീ 
നറുനിലാപ്പാലോലും കുളിരിന്റെ മന്ദാരം
ചൊടികളിൽ ചിരിയുടെ ചിലങ്കകൾ ചാർത്തി
ഇടവഴിയോരത്തെ സുന്ദരീ
ഇതൾ വിരിയുംപോലെ നീ ചിരിക്കുമ്പോഴും 
ഈണം നിൻ ചുണ്ടിൽ ലയിക്കുമ്പൊഴും
സുബർക്കത്തിൻ ദ്വീപിലെ 
അനാറിന്റെ പൂവിനെ
മാമരക്കൊമ്പിലെ പൂങ്കുയില്‍പ്പെണ്ണിനും 
നാണം നാണം താമരേ
(ഇടവഴി...)
നുണക്കുഴിയോ ഖൽബിൻ 
തേൻ രസക്കുമ്പിളോ
അന്നം നീന്തും നിൻ മിഴിപ്പൊയ്കയോ
മണവറയ്ക്കുള്ളിലെ അറവന താളമോ
മാപ്പിളപ്പാട്ടിലെ മാദകഭാവമോ 
ഏതോ ഏതോ മാസ്മരം
ഇടവഴിയോരത്തെ സുന്ദരീ
പതിനാലാംരാവിലെ ചന്ദ്രിക നീ 
നറുനിലാപ്പാലോലും കുളിരിന്റെ മന്ദാരം
ചൊടികളിൽ ചിരിയുടെ ചിലങ്കകൾ ചാർത്തി
ഇടവഴിയോരത്തെ സുന്ദരീ

Song video

Watch on YouTube

Song information

Music: രവീന്ദ്രൻ

Lyricist: ബിച്ചു തിരുമല

Singer: എം ജി ശ്രീകുമാർ

Film/album: നിക്കാഹ്

Explore this song