Malayalam lyrics

അക്ഷരമൊരു ഹിമബിന്ദു
അതിലുണ്ടാകാശം അറിവിൻ
അപാരനീലാകാശം
അക്ഷരമൊരു രസബിന്ദു
അതിലുണ്ടൊരു സൂര്യൻ അറിവിൻ
ഉദയമനോഹര സൂര്യൻ
 
 
അക്ഷരമൊരു മണിവാതിൽ തുറന്നാ
ലപ്പുറമുണ്ടൊരു ലോകം
അവിടെവെളിച്ചം മാത്രം
അവിടെ വസന്തം മാത്രം
അവിടെ മനുഷ്യനെ മനുഷ്യനാക്കും
സമഭാവനയുടെ സംഗീതം (അക്ഷര...)
 
 
അക്ഷരമൊരു മണിദീപം അതിൻ
കതിർ വെട്ടം വിതറിയ വഴിയേ
നടന്നു പോവുക നമ്മൾ
ഉണർന്നു പാടുക നമ്മൾ
അവ്വീടെ മനുഷ്യർ പരസ്പ്രമോതും
മൊഴി പോലും സംഗീതം(അക്ഷര..)

Song information

Music: ജി ദേവരാജൻ

Lyricist: ഒ എൻ വി കുറുപ്പ്

Singer: പി ജയചന്ദ്രൻ

Film/album: ഗോത്രം

Explore this song