യാത്രപോകുന്നു മൂകമീ കാറ്റിൽ

Malayalam lyrics

യാത്രപോകുന്നു മൂകമീ കാറ്റിൽ
ഓർമ്മകൾ പോലെ പാറുമീ തിരകൾ
പദയാത്രികന്റെ നോവുകൾ
ചുമലേറി കാൽക്കുഴഞ്ഞുവോ
വഴിനീളെമുൾക്കിനാവുകൾ
രാവിന്റെ വിരിമാറിൽ മതിദേശാടനങ്ങൾ
നേരിന്റെ മരുഭൂവിൽ ഇനി തീർത്ഥാടനങ്ങൾ
ആത്മാവിലേതോ മായാവനം
ആളുംവെയിൽ വീണുമായുന്നുവോ
ഇന്നോളം കണ്ടപൂക്കാലം
വെറും കാനൽക്കിനാത്തുള്ളികൾ
യാത്രപോകുന്നു മൂകമീ കാറ്റിൽ
ഓർമ്മകൾ പോലെ പാറുമീ തിരകൾ
വാനിന്റെ മറുകോണിൽ ശുഭതാരങ്ങൾ തേടീ
കൂടിന്റെ കിളിവാതിൽ ചിറകാലാഞ്ഞുനീക്കി
കാണാനിഴൽ പക്ഷി പോകുന്നുവോ
തീരാക്കിനാവേറി പാറുന്നുവോ
വെണ്മേഘം വിണ്ണിൽ നീന്തുന്നു
കനമെല്ലാമൊഴിഞ്ഞീടവേ..
യാത്രപോകുന്നു മൂകമീ കാറ്റിൽ
ഓർമ്മകൾ പോലെ പാറുമീ തിരകൾ
പദയാത്രികന്റെ നോവുകൾ
ചുമലേറി കാൽക്കുഴഞ്ഞുവോ
വഴിനീളെ മുൾക്കിനാവുകൾ

Song video

Watch on YouTube