Roman script
wo firaq aur wo visal kahan
wo shab-o-roz o mah-o-sal kahan
fursat-e-karobar-e-shauq kise
zauq-e-nazzara-e-jamal kahan
dil to dil wo dimagh bhi na raha
shor-e-sauda-e-khatt-o-khal kahan
thi wo ek shakhs ke tasawwur se
ab wo ranai-e-khayal kahan
aisa aasan nahi lahu rona
dil mein taqat jigar mein haal kaha
hum se chhuta qimar-khana-e-ishq
wan jo jawen girah mein mal kahan
fikr-e-duniya mein sar khapata hu
main kaha aur ye wabaal kahan
muzmahil ho gae qawa ghalib
wo anasir mein e'tidal kahan
bose mein wo muzaiqa na kare
par mujhe taqat-e-sawal kahan
Explore this song