Malayalam lyrics

ഉള്ളിൽ കുറുകുന്ന വെൺപിറാക്കളേ
കണ്ണീരാറ്റിൻ കുഞ്ഞോളങ്ങളേ
താനേ തളരുന്ന ചുണ്ടിലൂറുമീ
താരാട്ടുപാട്ടിൻ ഈണം മൂകമായ്
അലിയും സ്നേഹമാം തൂവെണ്ണയും
അഴലിൽ ചാലിച്ച കൽക്കണ്ടവും
ഇനി മാറിൽ നീറും കാണാച്ചൂടും
നൽകാനാവില്ലല്ലോ
നെഞ്ചിൽ നിറമിഴിനീരുമായ്
നോവും ഒരു ബലിദാനമായ്
ഏതോ കർമ്മബന്ധത്തിൻ ഇടനാഴിയിൽ
ആരും കാണാക്കാറ്റിൻ നെടുവീർപ്പുമായ്
ഒരു കണ്ണീർമേഘം പെയ്യാൻ
വയ്യാതെങ്ങോ വിങ്ങുമ്പോൾ

Song details

Music: രഘു കുമാർ

Film/album: കാണാക്കിനാവ്