Swargamanomaya / സ്വർഗ്ഗമനോമയ

Malayalam lyrics

സ്വർഗ്ഗമനോമയ സുന്ദര രാവിൽ
കളിത്തൊട്ടിലാടി നീ ചിരിക്കെ
വർണ്ണശലഭമായ് എൻ മനോവാടിയിൽ
പാറിപ്പറക്കയായ് എന്റെ സ്വപ്നം
വസന്തമിതിലേ വിരുന്നുവന്നു (സ്വർഗ്ഗമനോമയ)
പൗർണമി ചിരി തൂകും പാൽ നുരത്തിരയിൽ
സുരഗംഗയായി എൻ ഹൃദയം (പൗർണമി)
തപ്ത മാനസ നൊമ്പരക്കാഴ്ചകൾ
കുഞ്ഞോളത്തിരകളാൽ മായ്ക്കുമോ നീ (സ്വർഗ്ഗമനോമയ)
മധുകണം നുകരുമീ മധുമാസരാവിൽ
മധുര സ്മരണയിൽ നീ രമിക്കെ (മധുകണം)
കദനത്താൽ നീറിയോരന്തരാത്മാവിൽ
അമൃതവർഷമായ് പെയ്തിറങ്ങൂ (സ്വർഗ്ഗമനോമയ)