Malayalam lyrics

പൂമാനം പൂപ്പന്തൽ ഒരുക്കും
പൊൻ താരം വെൺദീപം കൊളുത്തും
കാണാകോകിലങ്ങൾ കാതിൽ മെല്ലെഓതും
മാംഗല്യം മധുരം...ആ...ആ...ആ... ശുഭസംഗമം...
(പൂമാനം.......... കൊളുത്തും)
മാടപ്രാവായി കുറുകി പാറും ഓരോ മോഹം കണ്ണിൽ
താമര വിരലാൽ തംബുരു മീട്ടും ഏതോ മൗനം ചുണ്ടിൽ
താനേ മിന്നുമീ തിങ്കൾ കുങ്കുമം നൽകാമോ പ്രിയ രാവേ
ആ.....ആ....... ആ......... സുഖ സാന്ത്വനം...
(പൂമാനം.......... കൊളുത്തും)
കുന്നിമണിപ്പൂ ചെപ്പിലൊളിക്കും നാണം കാണാൻ മോഹം
മഞ്ഞുമുടിച്ചുരുൾ മാടിയൊതുക്കും ഓമൽ സായം സന്ധ്യേ
നീയെന്നുള്ളിലെ വീണക്കമ്പിയിൽ മൂളാമോഹൃദയരാഗം
മ പധപധനിധപധപമഗരിഗമപമപധപമ
പമഗരിസ സ്വരപഞ്ചമം (പൂമാനം.......... കൊളുത്തും)

Song video

Watch on YouTube

Song details

Music: മോഹൻ സിത്താര

Film/album: നക്ഷത്രതാരാട്ട്