Malayalam lyrics

പ്രേമലഹരിയില്‍ മുഴുകി

എന്‍ ഗാനവാഹിനിയൊഴുകി

ആരാധികേ നിന്‍ മനസ്സിനുള്ളിലെ

അജ്ഞാതതീരം തഴുകി

(പ്രേമ...)

വീണയിലുണരും നാദം

നിന്‍ മൊഴിയില്‍ ഞാന്‍ കേട്ടു

സന്ധ്യകളണിയും രാഗം

നിന്‍ കവിളില്‍ ഞാന്‍ കണ്ടു

മാനസവാതില്‍ തുറക്കൂ - ഈ

പൂങ്കുയിലിന്നൊരു കൂടൊരുക്കൂ

ആരാധികേ നിന്‍ മനസ്സിനുള്ളിലെ

അജ്ഞാതതീരം തഴുകി

(പ്രേമ...)

എഴുതാത്ത കാവ്യം‌പോലെ

വിടരാത്ത സൂനംപോലെ

സങ്കല്‌പസീമയിലേതോ

സംഗീതമായ് നീ ഉണര്‍ന്നു

മാതളപ്പൂവേ വിടരൂ - നിന്‍

മധുപന് നറുതേന്‍ പകരൂ

ആരാധികേ നിന്‍ മനസ്സിനുള്ളിലെ

അജ്ഞാതതീരം തഴുകി

(പ്രേമ...)

Song information

വര്‍ഷം: 1981

സംഗീതം: കെ വി മഹാദേവന്‍

ഗാനരചന: യൂസഫലി കേച്ചേരി

ഗായകര്‍: കെ ജെ യേശുദാസ്

വരികൾ: ജിജാ സുബ്രമണ്യന്‍, വികാസ് വേണാട്ട്

യൂട്യൂബ് ഓഡിയോ: കല്യാണി

Album: എന്നെ സ്നേഹിക്കൂ എന്നെ മാത്രം

Explore this song