പാലെറും നാടായ പാലെരില്

Malayalam lyrics

പാലേറും നാടായ പാലേരില്
പാടിപതിഞ്ഞൊരു പാട്ടുണ്ടല്ലോ
പാലേരിമാണിക്യം പെണ്ണൊരുത്തി
പാതിരാ നീന്തി കടന്ന പാട്ട്
ആവളാ ചേറെലെ മീനിന്റൊപ്പം
നീന്തിത്തുടിച്ചു വളര്‍ന്ന പെണ്ണ്
കല്ലുരെ കാട്ടിലെ മാനിന്റൊപ്പം
തുള്ളി കളിച്ചു വളര്‍ന്ന പെണ്ണ്
കുഞ്ഞോറ കുന്നിനടിവാരത്തില്‍
തുമ്പപ്പൂ ചിരിയും നുണക്കുഴിയും
ആകാശ ചന്ദ്രന്റെ വീട്ടില്‍ നിന്ന്
സമ്മാനം കിട്ടിയ കണ്ണും മൂക്കും
കവിടിമണി പോലെ പൊക്കിള്‍കൊടി
പൂവിരിയും പോലെ ചുണ്ടും പല്ലും ..
മാഞ്ചോട്ടില്‍ മകരത്തെ കാറ്റുപോലെ
ഇല നുള്ളി പൂനുള്ളി നടന്ന പെണ്ണ്
ആ പെണ്ണിന്‍ പാട്ടില്‍ തളിര്‍ക്കും നെല്ലില്‍
ഓളെപോലുള്ള കതിരു വിളഞ്ഞു
പാലേരിമാണിക്യം പെണ്ണൊരുത്തി
പാതിരാ നീന്തി കടന്ന പാട്ട്

Song video

Watch on YouTube