മിഴി തമ്മിൽ പുണരുന്ന നേരം

Malayalam lyrics

മിഴി തമ്മിൽ പുണരുന്ന നേരം
പറയാതെയറിയുന്നനുരാഗം
പരിഭവ തിങ്കളേ തെളിനിലാ കുമ്പിളായ് 
നീളേ നീളേ പകരൂ ഒരു മഴയുടെ കുളിരല
മിഴി തമ്മിൽ പുണരുന്ന നേരം
പറയാതെയറിയുന്നനുരാഗം
കളിവാക്കു ചൊല്ലിയാൽ കലഹിച്ചതൊക്കെയും
പ്രണയമുണർത്തിയ കൌതുകം
ഒരുമിച്ചു പാടുമീ പാട്ടിൻ അരുവിയായ്
ഒഴുകും നമ്മൾ എന്നുമേ
കരളിലിരുന്നൊരു കിളി പാടി
മുരളിക മൂളും പോലെ
കണിമലരണിയും യാമിനിയിൽ
നീയെൻ മനസ്സിലെ മധുകണം 
മിഴി തമ്മിൽ പുണരുന്ന നേരം 
പറയാതെയറിയുന്നനുരാഗം
അരികത്തിരിക്കിലും കനവിൽ ലയിച്ചു നാം
നുകരും സ്നേഹ മർമ്മരം
ഓർക്കാതിരിക്കവേ ചാരത്തണഞ്ഞൂ നീ
വരമായ് തന്നൂ തേൻ കണം
തണുവിരൽ തഴുകും തംബുരുവിൽ 
സിരകളിലൊരു നവരാഗം
നറുമലരിതളിൽ പുഞ്ചിരിയിൽ 
നീ നിറമെഴുതിയ ചാരുത
മിഴി തമ്മിൽ പുണരുന്ന നേരം
പറയാതെയറിയുന്നനുരാഗം
പരിഭവ തിങ്കളേ തെളിനിലാ കുമ്പിളായ് 
നീളേ നീളേ പകരൂ ഒരു മഴയുടെ കുളിരല
ഒരു മഴയുടെ കുളിരല ഒരു മഴയുടെ കുളിരല

Song video

Watch on YouTube