Odakkuzhale / ഓടക്കുഴലെ

Malayalam lyrics

ഓടക്കുഴലേ... ഓടക്കുഴലേ...
ഓമനത്താമര കണ്ണന്‍റെ ചുംബന
പൂമധു നുകര്‍ന്നവളേ
രാഗിണി നീ അനുരാഗിണി മറ്റൊരു
രാധയോ രുഗ്മിണിയോ...
(ഓടക്കുഴലേ... )
എത്ര മധുമയ ചുംബന പുഷ്പങ്ങള്‍
ചാര്‍ത്തിച്ചു നിന്നെ കണ്ണന്‍ (2)
ആനന്ദ ഭൈരവി രാഗ നിലാവായ് നിന്‍
ആത്മാവലിഞ്ഞൊഴുകി...
ആത്മാവലിഞ്ഞൊഴുകി...
(ഓടക്കുഴലേ... )
കണ്ണന്‍റെ കയ്യിലെ പുല്ലാങ്കുഴലേ നീ
പുണ്യവതിയല്ലോ (2)
മോഹനരാഗ സുധാരസത്തിന്നായ് നീ
ദാഹിച്ചു നില്‍ക്കയല്ലോ
നീ ദാഹിച്ചു നില്‍ക്കയല്ലോ...
(ഓടക്കുഴലേ... )
പൊന്നംഗുലികളാല്‍ നിന്‍ കണ്ണ് പൊത്തുമ്പോള്‍
നിന്നെ തഴുകീടുമ്പോള്‍ (2)
നീലാംബരീ രാഗ നീഹാര ശീതള
മാലകള്‍ നീ അണിവൂ
മാലകള്‍ നീ അണിവൂ...
(ഓടക്കുഴലേ... )