നിഴലാടും ദീപമേ

Malayalam lyrics

നിഴലാടും ദീപമേ തിരിനീട്ടുമോ
അലിവോലും നെഞ്ചിലെ ഇരുൾ മായ്ക്കുമോ
കനിവാർന്ന രാവിൻ ഇടനാഴിയിൽ
തളരും കിനാവിനെ താലാട്ടുമോ
(നിഴലാടും..)
അറിയാതെ വന്നെൻ ഹൃദയത്തിലെ
മഴമേഞ്ഞ കൂട്ടിൽ കൂടേറി നീ
അനുരാഗസാന്ദ്രമാം ദിവസങ്ങളിൽ
അതിലോല ലോലമാം നിമിഷങ്ങളിൽ
പറയാതെ എന്തിനോ വിടവാങ്ങി നീ
(നിഴലാടും..)
തെളിവർണ്ണമോലും ചിറകൊന്നിലെ
നറുതൂവലുള്ളിൽ പിടയുന്നുവോ
വെയിൽ വീണു മായുമീ പകൽമഞ്ഞിനുള്ളിൽ
പ്രണയാർദ്രമാകുമീ മണിമുത്തു പോൽ
മനസിന്റെ വിങ്ങലായ് അലിയുന്നു നീ
(നിഴലാടും..)

Song video

Watch on YouTube