Malayalam lyrics

മോഹം മുഖപടമണിഞ്ഞു
മൗനം തേങ്ങിക്കരഞ്ഞു
ഇന്നെന്റെ നൊമ്പരം എന്നോടു ചൊല്ലി
ആരും അന്യരല്ല ആരും അന്യരല്ല
നിഴൽ വീണുറങ്ങുമീ വഴിയമ്പലത്തിൽ
നിന്നെ ഞാനിന്നു കണ്ടു
ഞാൻ നിന്റെ മൃദു സ്വരം കേട്ടു
എന്റെ പ്രതിച്ഛായയല്ലേ നീ
എന്റെ പ്രതി സ്വരമല്ലേ
ആരും അന്യരല്ല
നമ്മളാരും അന്യരല്ല
എനിയ്ക്കായ് മാത്രമീ സൂര്യുനുദിക്കില്ല
എനിയ്ക്കായ് അമ്പിളി ഉണരില്ല - എങ്ങും
എനിയ്ക്കായ് പൂക്കൾ വിടരില്ല
എന്നാത്മ സംഗീതമല്ലേ നീ
എന്റെ പ്രതിരൂപമല്ലേ
ആരും അന്യരല്ല
നമ്മളാരും അന്യരല്ല
(മോഹം മുഖപടം)

Song details

വര്‍ഷം: 1978

സംഗീതം: എം കെ അർജ്ജുനൻ

ഗാനരചന: സത്യന്‍ അന്തിക്കാട്

ഗായകര്‍: കെ ജെ യേശുദാസ്, കോറസ്

രാഗം: രേവതി

ഹിന്ദുസ്ഥാനി രാഗം: ഭൈരഗിഭൈരവ്

അഭിനേതാക്കള്‍: അടൂര്‍ ഭാസി, ശങ്കരാടി, അടൂര്‍ ഭവാനി, സുകുമാരി

വിശദവിവരങ്ങള്‍: Even though the lyricist of this movie was credited as Kanam EJ in several sources, it should be noted that the songs were written by Sathyan Anthikkad

വിഡിയോ: കെ സി ബാബുരാജ്

Album: ആരും അന്യരല്ല