Malayalam lyrics

മനസ്സിൻ തളിർമരത്തിൻ ചില്ലയിൽ 
കനവു കുരുവികൾ ചേക്കേറിയോ 
തുടുത്ത അന്തിവിണ്ണിന്റെ കോവിലിൽ
വിളക്കിൻ തിരികളേഴും ആളിയോ
പാൽനിലാവിൻ കായലിൽ 
പൂങ്കിനാവിൻ തോണിയിൽ
താഴെ ആമ്പൽ പൂവിറുക്കാൻ 
പോയ് വരാം വരാം
(മനസ്സിൻ...)
പുഴയുടെ മാറിൽ പൂന്തുകിലായി
നിറനിലാവ്
ഇരുകരയാകെ പൂത്തു വിരിഞ്ഞൂ
കുടമുല്ലകൾ
ചിലങ്കയണിഞ്ഞ മണിക്കാറ്റേ പൂങ്കാറ്റേ
കുടന്ന നിറയെ മലർത്തേനായ് നീ വാ
കിളിപാടും മലമേട്ടിൽ
മോഹം കൊണ്ടൊരു കുടിൽ തീർക്കാം
താഴെയാമ്പൽ പൂവിറുക്കാൻ 
പോയ് വരാം വരാം
(മനസ്സിൻ...)
മിഴികളിൽ മോഹം കരിമഷിയെഴുതും
നിമിഷങ്ങളിൽ
കവിതകൾ കാറ്റ് കടം ചോദിച്ചെൻ
അരികിൽ വന്നൂ
കുളിരിൽ കുതിരും പുലർമഞ്ഞിൽ
തൂമഞ്ഞിൽ
വിടർന്ന മലരിൻ മണിത്തേരിൽ നീ വാ
തിരുമുന്നിൽ ഇവളേകാം 
സ്വപ്നം കൊണ്ടു തുലാഭാരം
താഴെ ആമ്പൽ പൂവിറുക്കാൻ 
പോയ് വരാം വരാം

Song details

Music: എസ് ബാലകൃഷ്ണൻ

Film/album: പുന്നാരംകുയിൽ