മീരയായ് മിഴി നനയുമ്പോൾ

Malayalam lyrics

മീരയായ് മിഴി നനയുമ്പോൾ ഗുരുവായൂരപ്പാ
അഭയം നീ തരൂ ഹരിനാമങ്ങളാൽ ജപമാല്യം തരാം
ഓടമുളംതണ്ടൂതിയുണർത്തും
ഓരോ ദുരിതവും തീർക്കൂ കൃഷ്ണാ
മരതകവർണ്ണാ മണിവർണ്ണാ ഗുരുവായൂരപ്പാ അഭയം നീ തരൂ
ഹരിനാമങ്ങളാൽ ജപമാല്യം തരാം
പാർത്ഥനു പണ്ടു നീ തുണയായ് നിന്നൂ
പാവന മോഹന ഗീതയുണർന്നൂ(2)
കൗരവസദസ്സിൽ കണ്ണീർ തൂകിയ
ദ്രൗപദിക്കോ നീ അഭയം നൽകി
നിന്റെ നിരാമയനെ പോരുക പോരുക ഭഗവാനേ
കാൽക്കലെരിഞ്ഞൊരു കൈത്തിരിയോടെൻ
കാതരമാം ജന്മം ഗുരുവായൂരപ്പാ അഭയം നീ തരൂ
ഹരിനാമങ്ങളാൽ ജപമാല്യം തരാം
മധുരവസന്തം വനമലരാക്കി മാറിൽ
പുതിയൊരു മാലയിടാം ഞാൻ (2)
ഉണ്ണിക്കു മുൻപിൽ കണ്ണിനു പുണ്യമാം
വെണ്ണ തരാം ഞാൻ നിർവൃതിയോടെ
ആപൽബാന്ധവനെ ആശ്രയമാവുക ഭഗവാനേ
ദീനദയാനിധിയാമെൻ ശൗരേ സാന്ത്വനമാകേണം (മീരയായ്..)

Song video

Watch on YouTube