മിഴിയിൽ മിഴിയിൽ (F)

Malayalam lyrics

മിഴിയിൽ മിഴിയിൽ മാന്മിഴിയിൽ
മഴവില്ലെഴുതിയ ചാരുതയിൽ
നീയെൻ ചാരേ വന്നു മേടയിൽ
മൊഴിയിൽ നിറയും തേന്മഴയിൽ
ഇളനീരൊഴുകിയ തേരുകളിൽ
ഞാനും കൂടെ നിന്നു വീഥിയിൽ
മൗനമാണെങ്കിലും കൂട്ടിനായുണ്ട് നീ
ചുണ്ടിലെ നാദമായ് നെഞ്ചിലെ ഈണമായ്
അസ്സലസലായ് മിന്നീ നീ 
എൻ പൊൻ കതിരഴകേ
കൊലുസ്സലസം കൊഞ്ചി 
നിൻ പൂ മെയ്യഴകിൽ
തോഴനെങ്ങോ ദൂരെ ദൂരെ എന്ന പോലെ നീ
കൂട്ടിനുള്ളിൽ ഏറേ നാളായ് നൊന്തതെന്തിനോ
കാണാൻ നിറയണ മനസ്സോടെ
കണ്ണിൽ തെളിയണ തിരിയോടെ
ഏതോ മണിയറ മേഞ്ഞു മെനഞ്ഞൊരു
പെൺകിളിയല്ലേ ഞാൻ
കയ്യിൽ വളയുടെ ചിരി നീട്ടി
കാലിൽ തളയുടെ മണി മീട്ടി
മാറിൽ ചന്ദന ഗന്ധം ചൂടി ഞാൻ
അസ്സലസലായ് മിന്നീ നീ 
എൻ പൊൻ കതിരഴകേ
കൊലുസ്സലസം കൊഞ്ചി 
നിൻ പൂ മെയ്യഴകിൽ
മൗനമാണെങ്കിലും കൂട്ടിനായുണ്ട് നീ
ചുണ്ടിലെ നാദമായ് നെഞ്ചിലെ ഈണമായ്
സ്നേഹമഞ്ഞോ വന്നു മൂടും നാണമോടെ ഞാൻ
മോഹമോടെ പാടിയില്ലേ നിന്റെ വാടിയിൽ
പാട്ടിൻ സ്വരലയമാകുമ്പോൾ
പൂക്കൾ നിറയുമൊരീ മേട്ടിൽ
കൈയ്യിൽ പുതിയൊരു മാലയുമായ് വരും
ആൺകിളിയല്ലോ നീ
ചൂളം വിളിയുടെ രസമോടെ ചൂടും മല്ലിക മലരോടെ
തൂവൽ മഞ്ചമൊരുക്കിയിരുന്നു ഞാൻ
മിഴിയിൽ മിഴിയിൽ മാന്മിഴിയിൽ
മഴവില്ലെഴുതിയ ചാരുതയിൽ
നീയെൻ ചാരേ വന്നു മേടയിൽ
മൗനമാണെങ്കിലും കൂട്ടിനായുണ്ട് നീ
ചുണ്ടിലെ നാദമായ് നെഞ്ചിലെ ഈണമായ്
അസ്സലസലായ് മിന്നീ നീ 
എൻ പൊൻ കതിരഴകേ
കൊലുസ്സലസം കൊഞ്ചി 
നിൻ പൂ മെയ്യഴകിൽ
അസ്സലസലായ് മിന്നീ നീ 
എൻ പൊൻ കതിരഴകേ
കൊലുസ്സലസം കൊഞ്ചി 
നിൻ പൂ മെയ്യഴകിൽ

Song video

Watch on YouTube