Roman script
maat pitaa guru prabhu charano me pranamat barambaar
ham par kiyaa bahut upkaar, ham par kiyaa bahut upkaar
maataa ne jo kashht uthaayaa,
vah r^in kabhi na jaaye chukaayaa
ungali pakad kar chalanaa sikhaayaa
mamataa ki di shital chhaayaa,
jinaki godi me palakar ham kahalaate hushiyaar
ham par kiyaa bahut upkaar
pitaa ne hamako yogya banaayaa,
kamaa kamaa kar anna khilaayaa
padhaa likhaa gunavaan banaayaa,
jivan path par chalanaa sikhaayaa
jod jod apani sapatti kaa banaa diyaa hakadaar
ham par kiyaa bahut upkaar
tatva gyaan guru ne darshaayaa,
adhakaar sab dur hataayaa
hr^iday me bhakti dip jalaakar,
hari darshan kaa maarg bataayaa
bin svaarath ho kr^ipaa kare ve itane bade hai udaar
ham par kiyaa bahut upkaar
prabhu kr^ipaa se nar tan paayaa
sat milan kaa saaj sajaayaa
bal buddhi aur vidyaa dekar
sab jivo me shreshhth banaaya
jo bhi inaki sharan me aataa, kar detaa uddhaar
ham par kiyaa bahut upkaar
Explore this song