Roman script
kal rat jindagi se, mulakat ho gayi
kal rat jindagi se, mulakat ho gayi
lab tharathara rahe the, magar bat ho gayi
kal rat jindagi se mulakat ho gayi
ek husn samane tha, kayamat ke rup me
ek khawab jalvagar tha, hakikat ke rup me
chehara vahi gulab ki, rangat liye hue
najare vahi, payame muhabbat liye hue
julfe vahi, ki jaise dhundhalaka ho sham ka
ankhe vahi jin ankho pe, dhokha ho jam ka
kuch der ko, tasali-e-jajbat ho gayi
lab tharathara rahe the, magar bat ho gayi
kal rat jindagi se mulakat ho gayi
dekha use to, damane ruksar nam bhi tha
vallah usake dil ko, kuch ehasase gam bhi tha
the usaki hasarato ke, kajane lute hue
lab par tadap rahe the, fasane ghute huye
kante chubhe hue the, sisakati umang me
dubi hui thi phir bhi, vafao ke rang me
dam bhar ko khatm, gardishe halat ho gayi
lab tharathara rahe the, magar bat ho gayi
kal rat jindagi se, mulakat ho gayi
e meri ruhe ishq, meri jane shayari
dil manata nahi ki tu, mujhse bichhad gayi
mayusiya hai phir bhi, mere dil ko aas hai
mahsus ho raha hai, ke tu mere pas hai
samajhau kis tarah se, dile bekarar ko
vapas kaha se lau, mai gujari bahar ko
majabur dil ke, sath badi ghat ho gayi
lab tharathara rahe the, magar bat ho gayi
kal rat jindagi se, mulakat ho gayi
Explore this song