Roman script
kahi ek maasum naazuk si ladaki
bahut khubasurat magar saavali si
bahut khubasurat
mujhe apane kvaabo ki baaho me paakar
kabhi nid me muskuraati to hogi
usi nid me kasamasaa-kasamasaakar
sarahane se takiye giraati to hogi
kahi ek maasum naazuk si ladaki
vahi kvaab din ke mudero pe aake
use man hi man me lubhaate to hoge
kayi saaz sine ki khaamoshiyo me
meri yaad me jhanajhanaate to hoge
vo besaakhta dhime-dhime suro me
meri dhun me kuchh gunagunaati to hogi
kahi ek maasum naazuk si ladaki
chalo khat likhe ji me aata to hoga
magar ugaliya kanp-kanpaati to hogi
kalam haath se chhut jaata to hoga
umage kalam phir uthaati to hogi
mera naam apni kitaabo pe likhakar
vo daato me ungali dabaati to hogi
kahi ek maasum naazuk si ladaki
zubaan se kabhi uf nikalati to hogi
badan dhime-dhime sulagata to hoga
kahi ke kahi paav padate to hoge
zami par dupatta latakta to hoga
kabhi subah ko shaam kahati to hogi
kabhi raat ko din bataati to hogi
kahi ek maasum naazuk si ladaki
bahut khubasurat magar saavali si
bahut khubasurat
Explore this song