Roman script
gujre hai is tarah se duniya me din humare
bheege rahe humesha aankho ke do kinare
gujre hai is tarah se
sine se ranj-o-gam ko humne laga ke rakha
majburiyo ko dil hi dil me chhupa ke rakha
karte bhi kya ae kismat, tere sitam ke mare
gujre hai is tarah se
hasrat bhari kahani, kissa hai bekasi ka
likha hai aansuo se afsana zindagi ka
kuch na kisi se kahna, ae meri bezubani
gardish nasib ki hai, kya dosh hai kisi ka
tute chamak chamak kar taqdeer ke sitare
gujre hai is tarah se duniya me din humare
bheege rahe humesha aankho ke do kinare
gujre hai is tarah se
Explore this song