എന്തിനീ മിഴി രണ്ടും

Malayalam lyrics

എന്തിനീ മിഴി രണ്ടും പിടയാതെ പിടയുന്നു
കാണാതെ കാണുന്നതാരേ നീ
എന്തിനീ മഴമേഘം നനയാതെ നനയുന്നു
അറിയാതെയറിയുന്നതാരേ നീ
ചിലമ്പിൻ പുന്നാരം കുറുമ്പിൻ കൂടാരം
നമുക്കായ് പൂത്തില്ലേ കിനാവിൻ പൂപ്പാടം
എന്തിനീ മിഴി രണ്ടും പിടയാതെ പിടയുന്നു
കാണാതെ കാണുന്നതാരേ നീ
ഇലപച്ചിലമേഞ്ഞൊരു കാടും
ഇഴപൊന്നിഴപാകിയ കൂടും
ഇനി ആടാനും പാടാനും പൂക്കാലമായ്
കരികർക്കിടവാവിൻ മഴയും
പുഴതേടിനടന്നൊരു കടലും
ഇണചേരുന്നൊരു കാലം നീ തേടും നേരം ..
ഓ… നീയൊന്നു വന്നെങ്കിൽ അലിവോടെ നിന്നെങ്കിൽ
പാടാത്ത പാട്ടിന്റെ മയിൽപ്പീലി തന്നെങ്കിൽ
കനിവോടെ ചൊല്ലി രാപ്പാടി..
എന്തിനീ മിഴി രണ്ടും പിടയാതെ പിടയുന്നു
കാണാതെ കാണുന്നതാരേ നീ
തുടിപൊൻതുടി കാവിലെ മേളം
തളിരമ്പിളി നീട്ടും നാളം
കഥകേൾക്കാനും കാണാനും പോരാമോ നീ
ഓ… തിനവിളയും തീരം തേടി
മുറിവാലൻ പൈങ്കിളി പോകേ
കണിപൂമ്പാറ്റപ്പെണ്ണായ് ഞാൻ കൂട്ടില്ലയോ
ഓ .. തോരാത്ത മഞ്ഞിൽ നാം
മിഴിപൂട്ടി നിൽക്കുമ്പോൾ
അരികത്തുലാവുന്ന നിലാവിന്റെ തൂവിരലാൽ
തലോടുന്നതാരോ തേൻകാറ്റോ ..
എന്തിനീ മിഴി രണ്ടും പിടയാതെ പിടയുന്നു
കാണാതെ കാണുന്നതാരേ നീ
എന്തിനീ മഴമേഘം നനയാതെ നനയുന്നു
അറിയാതെയറിയുന്നതാരേ നീ

Song video

Watch on YouTube