Malayalam lyrics

ഏകാന്തസ്വപ്നത്തിൻ മരതകദ്വീപിൽ

ഏതോ ശരത്ക്കാല നീലിമയിൽ

മുന്തിരിത്തേൻ കിണ്ണം ചുണ്ടിലൊതുക്കി

മാലാഖയായ് നീ വന്നൂ എന്നിൽ

ആദ്യരോമാഞ്ചമായ് വിടർന്നൂ

(ഏകാന്ത..)

വെണ്‍മേഘകന്യകൾ ആകാശപ്പള്ളിയിൽ

മെഴുകുവിളക്കു കൊളുത്തുമ്പോൾ

തൂവെള്ളിച്ചിറകുമായ് അരികിലണഞ്ഞെന്നെ

ശോശന്നപ്പുഷ്പങ്ങളണിയിക്കൂ എന്നിൽ

ഒരു മൗന ലഹരിയായ് നീ നിറയൂ

(ഏകാന്ത..)

സ്വപ്നങ്ങളഞ്ജനം ചാർത്തിയ മിഴിയിൽ

സ്വർഗ്ഗീയനീലിമയുണരുമ്പോൾ

ഒരു നീലരാവിന്റെ അരമനയ്ക്കുള്ളിലെൻ

അനുഭൂതിയോർമ്മയിൽ തുളുമ്പുന്നൂ അതിൽ

ഒരു മനസ്സമ്മതം നീ നൽകൂ

(ഏകാന്ത...)

Song information

വര്‍ഷം: 1978

സംഗീതം: ജി ദേവരാജന്‍

ഗാനരചന: ശശികല മേനോന്‍

ഗായകര്‍: പി സുശീല, കോറസ്

അഭിനേതാക്കള്‍: കമൽ ഹാസൻ, ലത സേതുപതി

വിശദവിവരങ്ങള്‍: ജയ

വിഡിയോ: ഗാനസ്നേഹി

Album: വയനാടൻ തമ്പാൻ

Explore this song