Malayalam lyrics

ദേവവാഹിനീ തീരഭൂമിയില്‍

ദേവതാരപൂന്തണലില്‍..

ഇന്ദ്രജാല മഹേന്ദ്രജാല

ചന്ദ്രികാങ്കണത്തില്‍...

നീവരൂ സഖീ നീവരൂ

നിന്‍ കിനാവിന്‍ മധു തരൂ...

പുളകപുതുമലര്‍ തോരണം ചാര്‍ത്തിയ

പുരുഷവാഹനത്തില്‍...

ദേവകുമാരിയായ് നീയുയരുന്നെന്‍

മായാമോഹവീയത്തില്‍...

ഈ ആനന്ദസുഗന്ധോന്മാദം

എന്നെ മന്മഥനാക്കി..

നിന്നെ രതിദേവിയാക്കി....

കനകവസന്തപ്പൂമഴപൊഴിയും

കല്പനതന്‍ പുളിനം..

സ്വപ്നശലാകകള്‍ പാറിനടക്കും

സ്വര്‍ണ്ണരേഖാ നദിതീരം..

ഈ മോഹാന്ധവസന്തോന്മാദം

എന്നെ ദുഷ്യന്തനാക്കി..

നിന്നെ ശകുന്തളയാക്കി...

Song information

വര്‍ഷം: 1972

സംഗീതം: വി ദക്ഷിണാമൂർത്തി

ഗാനരചന: ശ്രീകുമാരൻ തമ്പി

ഗായകര്‍: കെ ജെ യേശുദാസ്

രാഗം: രാഗമാലിക (ഖരഹരപ്രിയ, ധര്‍മവതി)

അഭിനേതാക്കള്‍: പ്രേം നസീര്‍, ജയഭാരതി

വിശദവിവരങ്ങള്‍: കൃഷ്ണചന്ദ്ര

Album: നൃത്തശാല

Explore this song