Roman script
daaim padaa hua tere dar par nahi hun main
Kaaq aisi zindagi pe ki patthar nahi hun main
kyon gardish-e-mudaam se ghabaraa na jaaye dil
insaan hun pyala-o-sagar nahi hun main
ya rab zamaana mujhako mitata hai kis liye
lauh-e-jahan pe hafr-e-muqarar nahi hun main
had chaahiye saza mein uqbat ke vaaste
aakhir gunahGaar hun qafir nahi hun main
kis vaaste aziz nahi janate mujhe
laal-o-zamurad-o-zar-o-gauhar nahi hun main
rakhate ho tum qadam meri aankhon se kyon direg
rutabe mein mahar-o-maah se kam tar nahi hun main
karate ho mujhako man-e-qadam baase kis liye
kyaa aasaman ke bhi baraabar nahi hun main
Gaalib vaziifaaKvaar ho do shaah ko duaa
vo din gaye ki kahate the naukar nahi hun main
Explore this song