Chandanatharuvinte / ചന്ദനത്തരുവിന്റെ

Malayalam lyrics

ചന്ദനത്തരുവിന്റെ ശീതള ഛായയിൽ
ചന്ദ്രിക മയങ്ങുന്ന യാമങ്ങളിൽ (2)
മന്ദാരപ്പൂവിന്റെ സൗരഭ്യ ഭണ്ഡാരം
മന്ദാനിലൻ വന്നു കവർന്നെടുത്തു ( ചന്ദനത്തരുവിന്റെ .. )
മലരണിക്കാടിന്റെ മരതകത്തോപ്പിലെ
മലർവള്ളി കുടിലിലെ മണിയറയിൽ ( 2)
മഴവില്ലിൻ സൗന്ദര്യ ശാലയിൽ നിന്നൊരു
മതിമുഖി മനസ്സിൽ വിരുന്നിനെത്തി ( ചന്ദനത്തരുവിന്റെ .. )
ചന്ദനച്ചോലയിൽ നീരാടിയെത്തിയ
സുന്ദരി നാണിച്ചു തലകുനിച്ചു (2)
മന്ദസ്മിതം പുഷ്പ ഹാരമായി തീർത്തു
കിന്നര കന്യക കാഴ്ചവെച്ചു ( ചന്ദനത്തരുവിന്റെ .. )