Roman script
chalo re doli uthao kahar, piya milan ki rut aayi
pi ki nagari le jao kahar, piya milan ki rut aayi
jin naino ki tu hai jyoti, unn naino se barase moti
dava nahi hai koyi jor nahi hai, beti sada hi parayi hoti
jaldi naihar se le jao kahar, piya milan ki rut aayi
chalo re doli uthao kahar, piya milan ki rut aayi
chhayi hai dekho hariyali, aai hai rut khushiyo wali
har aasha parvan chadhi, din hai dasahara rat diwali
gale dal bahon kaa har kahar, piya milan ki rut aayi
chalo re doli uthao kahar, piya milan ki rut aayi
tan maike mann teri nagariya, udd jau mai banake badariya
chand nagar ko chali chakori, pyasi hu milan ki sanvariya
mere sapne sajao kahar, piya milan ki rut aayi
chalo re doli uthao kahar, piya milan ki rut aayi
suni padi bhaiya ki haveli, vyakul bahana rah gayi akeli
jin sang nachi jin sang kheli, chhut gayi woh sakhi saheli
abb na deri lagao kahar, piya milan ki rut aayi
chalo re doli uthao kahar, piya milan ki rut aayi
piya milan ki rut aayi, piya milan ki rut aayi
Explore this song