Roman script

bhulaataa laakh hu lekin baraabar yaad aate hai

elaahi tark-e-ulfat par vo kyu kar yaad aate hai

na chhed ai ham-nashi kaifiat-e-sahbaa ke afasaane

sharaab-e-bekhudi ke mujh ko saagar yaad aate hai

nahi aati to yaad unaki mahino tak nahi aati

magar jab yaad aate hai to aksar yaad aate hai

haqiqat khul gai hasrat tere tark-e-muhabbat ki

tujhe to ab vo pahle se bhi badh kar yaad aate hai

Explore this song