അരുണിമ തൂകി

Malayalam lyrics

അരുണിമ തൂകി കുളിരല കോരി ‌
അകലേ അകലേ ഒരു തീരം
സുരഭിലമാകും ഒരു സുഖകാലം
കരളില്‍ തെളിയും ചില നേരം
നീനവുകള്‍ പോയിവരുന്നു അവിടെ
കനവുകള്‍ പൂവിടുന്നു അവിടെ
അഴലിന്‍ നടനം തുടരുന്നു
അരുണിമ തൂകി കുളിരല കോരി ‌
അകലേ അകലേ ഒരു തീരം

പുഴയുടെ മഞ്ജീരം..
കരയുടെ സംഗീതം..
തളരും മനസ്സിന്‍ സഞ്ചാരം (2)
കതിരൊളി മാഞ്ഞു പോയ കരളില്‍ മൂകം
പലമുഖം മാറിമാറി തെളിയുന്നേരം
അനുപദമഴകുകളീ വഴികളിലൊഴുകി
അരുണിമ തൂകി കുളിരല കോരി ‌
അകലേ അകലേ ഒരു തീരം
ആ.. ആ..

ഹിമകണമാല്യങ്ങള്‍..
മഴയുടെ താളങ്ങള്‍..
മിഴിനീരണിയും ബന്ധങ്ങള്‍.. (2)
ചതിയുടെ വേഷമാര്‍ന്നു മരുവും ലോകം
അഭിനയപാഠമേകി മറയുന്നേരം
കളകളമധുരിമയാല്‍ മൊഴികളില്‍ മുഴുകി

അരുണിമ തൂകി കുളിരല കോരി ‌
അകലേ അകലേ ഒരു തീരം
നീനവുകള്‍ പോയിവരുന്നു അവിടെ
കനവുകള്‍ പൂവിടുന്നു അവിടെ
അഴലിന്‍ നടനം തുടരുന്നു

Song video

Watch on YouTube