Malayalam lyrics

അനാദിയാമെൻ സ്നേഹം
അഴകേ ഞാൻ നിനക്കു തന്നൂ
നിലാവുനിറയും മിഴിയിൽ 
നിറദീപം തെളിഞ്ഞു നിന്നൂ
ഇലവീഴാ പൂഞ്ചിറയിൽ 
പകൽമുങ്ങും പാൽക്കടവിൽ 
അനാദിയാമെൻ സ്നേഹം
അഴകേ ഞാൻ നിനക്കു തന്നൂ
വെയിൽമഴ തംബുരുവിൽ
ശ്രുതിയിടും ഓർമ്മകളിൽ
നീ നിറയുന്ന ഭാവനയോ
സുഖമുള്ള വേദനയോ
വിരഹനിശീഥം വിട പറയുമ്പോൾ
ഇനിയും നീ വരുമോ 
ഈറൻ മൊഴി തരുമോ 
(അനാദിയാം...)
ഇളമര പൂന്തണലിൽ
വിരി വെയ്ക്കും സന്ധ്യകളിൽ
നീ തിരിയിട്ട മൺവിളക്കിൽ
തെളിയുന്നു ചന്ദ്രദളം
മറവിയിലേതോ മധുരവുമായെൻ 
മൗനം കാത്തിരുന്നു
മനസ്സും കാത്തിരുന്നു 
(അനാദിയാം...)

Song video

Watch on YouTube

Song details

Music: മോഹൻ സിത്താര

Film/album: സഹയാത്രികയ്ക്ക് സ്നേഹപൂർവം