Malayalam lyrics

അല്ലിമലർക്കാവിൽ പൊന്നൊളി തൂകി 
ആയിരം നാളങ്ങൾ പൂക്കുമ്പോൾ
വെണ്മുകിലിൻ തേരുകൾ താഴുമ്പോൾ
മായാരൂപിണീ മഹിമതൻ തീരാവാഹിനി
കരുണതൻ വാരിധീ -നിന്റെ 
പൊന്നിൻ ചിലമ്പൊലി കേൾപ്പൂ
(അല്ലിമലർ...)
കരൾ തന്നെ തുടിയാക്കി പാടീടാം ഞങ്ങൾ
കമനീ നിൻ നടയിൽ നൃത്തമാടീടാം ഞങ്ങൾ 
ഇനിയും നിൻ ഉടവാളിൽ 
അണിമിന്നൽ ഒളി പാകി
അവനിയിൽ അണയൂ നീ 
ദേവീ...ദേവീ...
സർവദുഃഖനാശിനീ സർവദുരിതവാരിണീ
ഭദ്ര വരദ രുദ്ര ലളിത കൗശികിയേ
(അല്ലിമലർ...)
വരമെല്ലാം നൽകാനായ് വാഴുന്നോൾ നീയേ
എന്നെന്നും ധർമ്മങ്ങൾ കാക്കുന്നോൾ നീയേ 
ഇരുൾ മൂടും പാരാകെ 
അസുരന്മാർ നിറയുമ്പോൾ
കനൽമിഴി തുറക്കൂ നീ 
ദേവീ...ദേവീ...
സർവലോകപാലകേ സർവശക്തിദായികേ 
സർവലോകപാലകേ സർവശക്തിദായികേ 
ആ....

Song details

Music: ജോൺസൺ

Film/album: വിജിലൻസ്