Malayalam lyrics

ആ വഴിത്താരയിൽ അന്നത്തെ രാത്രിയിൽ
കൂട്ടുകാരില്ലാത്ത യാത്രയിൽ
കൂരിരുൾ മൂടിയ മാത്രയിൽ
(ആ വഴിത്താരയിൽ )
അന്വേഷിക്കാതെ അന്വേഷിക്കാതെ
നിന്നെഞാനന്നു കണ്ടെത്തി (2)
അന്യൂനപ്രേമത്തിൻ ദിവ്യനക്ഷത്രമായ്
അന്നുനീ എന്തിന്നുവന്നെത്തി (2)
(ആ വഴിത്താരയിൽ )
മറ്റുള്ളോർക്കാർക്കും മനസ്സിലാവാത്തൊരു
മൗനത്തിൻ ഭാഷ നാം കൈമാറി (2)
ആനിമിഷത്തിൽ ഞാൻ ആമുഹൂർത്തത്തിൽ ഞാൻ
മണ്ണിലെ മാലാഖയായ് മാറി (2)
(ആ വഴിത്താരയിൽ )

Song details

സംഗീതം: കെ പി ഉദയഭാനു

ഗാനരചന: പി ഭാസ്കരന്‍

ഗായകര്‍: കെ എസ് ചിത്ര

വര്‍ഗ്ഗീകരണം: റേഡിയോ

വിശദവിവരങ്ങള്‍: ഓണാട്ടുകര

വിഡിയോ: വാമദേവൻ

Album: ആകാശവാണി ലളിതഗാനങ്ങള്‍