Vellikkinnam / വെള്ളിക്കിണ്ണം കൊണ്ട്‌ നടക്കും

Malayalam lyrics

വെള്ളിക്കിണ്ണം കൊണ്ടുനടക്കും
വെളുത്തവാവേ
വിണ്ണിലെ വൃന്ദാവനിക വളര്‍ത്തിയ
കന്യക നീ കന്യക നീ (വെള്ളിക്കിണ്ണം)
യമുനാനദിയുടെ കരയിലുറങ്ങും
യദുകുലരാഗിണി നീ
യമുനാനദിയുടെ കരയിലുറങ്ങും
യദുകുലരാഗിണി നീ
പുല്ലാങ്കുഴല്‍ വിളി കേട്ടുണരുന്നൊരു
പുഷ്പകുമാരിക നീ - കല്പക
പുഷ്പകുമാരിക നീ (വെള്ളിക്കിണ്ണം)
നീരാടും കടവില്‍ നിന്നെ
തേടിവരില്ലേ കണ്ണന്‍
നിന്നുടെയാടകള്‍ വാരിയെടുത്തൊരു
നീലക്കാര്‍മുകില്‍ വര്‍ണ്ണന്‍
തിരുമധുരവുമായ് നീലോല്‍പ്പലമിഴി
തിരയുവതാരേ നീ
അല്ലിത്താമര വെള്ളത്താമര
നുള്ളിവിരിച്ചു നീ - എന്തിനു
നുള്ളിവിരിച്ചു നീ (വെള്ളിക്കിണ്ണം)