Veedinu Ponmani / വീടിനു പൊന്മണി

Malayalam lyrics

വീടിനു പൊന്മണി വിളക്കു നീ
തറവാടിനു നിധി നീ കുടുംബിനീ
പതിയെ കൂപ്പും നിന്‍ കരതാരുകള്‍
പതിയുവതെല്ലാം സഫലം
കടമകള്‍ ചെയ്‌വാന്‍ അര്‍പ്പിച്ചൊരു നിന്‍
കമനീ ജന്മം വിമലം
(വീടിനു)
പകലിരവെല്ലാം പണി ചെയ്താലും
പരിഭവമില്ല പകയില്ല
പരിസേവനമാം പരിമളമോലും
പനിനീര്‍ പുഷ്പം നിന്‍ ഹൃദയം
(വീടിനു)
തന്‍ സുഖമെല്ലാം അന്യര്‍ക്കായി
ത്യാഗം ചെയ്യും മനസ്വിനി
മാനിനിമാരുടെ വംശത്തിനു നീ
മാതൃകയല്ലോ കുടുംബിനി
(വീടിനു)

Song video

Watch on YouTube