Malayalam lyrics
ആ..ആ..ആ. ലജ്ജാവതിയേ നിന്റെ കള്ളക്കടക്കണ്ണിൽ താഴമ്പൂവോ താമരത്താരോ തേനോ തേൻ നിലാവോ മാമ്പഴ മുത്തോ മല്ലിക്കൊളുന്തോ മീനോ മാരിവില്ലോ തൊട്ടുരുമ്മി നിന്നാട്ടെ നീ തൊട്ടാവാടി പെണ്ണാളേ മാനസക്കൊട്ടാര കെട്ടിനകത്തുള്ള റോജാ രാജാ റാണി (ലജ്ജാവതിയേ...) കണ്ണാടിപ്പുഴയിലെ വെള്ളാരങ്കല്ലുമായ് മണിമാടം കെട്ടിയ നമ്മുടെ കുട്ടിക്കാലമോർത്തു ഞാൻ കുന്നോളം മാമ്പഴം അണ്ണാറക്കണ്ണനുമായ് പങ്കു വെച്ചു പകുത്തെടുത്തതെല്ലാം നീ മറന്നുവോ മധുരമാ നിമിഷം മധുരമീ നിമിഷം ഏതൊരിന്ദ്രജാലമിന്നു കളമിടും പ്രണയമായ് കളിയോടം തൊട്ടു തുഴഞ്ഞൊരു കുട്ടിക്കാലമോർത്തു ഞാൻ മഞ്ഞിൽക്കുളിക്കുമാ നെല്ലോലത്തുമ്പിലെ ചില്ലാരത്തുള്ളി നമ്മൾ കോർത്തു നിന്നതോർത്തു ഞാൻ കന്നാലി മേച്ചു നമ്മൾ മഴ നനഞ്ഞതോർത്തു ഞാൻ അപ്പൂപ്പൻ താടിയാൽ മേൽമീശ വെച്ചു നീ രാജാധിരാജവേഷമിട്ടതിന്നും ഓർത്തു ഞാൻ മധുരമാ നിമിഷം മധുരമീ നിമിഷം കാതരമാമൊരു വേദനയിന്നൊരു സുഖമെഴുമനുരാഗമായ് (ലജ്ജാവതിയേ...)
Song details
വർഷം: 2004
സംഗീതം: ജാസ്സി ഗിഫ്റ്റ്
ഗാനരചന: കൈതപ്രം
ഗായകർ: ജാസ്സി ഗിഫ്റ്റ്, രാമവർമ്മ
വിശദവിവരങ്ങൾ: ദിലീപ്
Album: 4 ദ പീപ്പിൾ
- Singer: ജാസ്സി ഗിഫ്റ്റ്
- Singer: രാമവർമ്മ
- Film / album: 4 ദ പീപ്പിൾ
- Composer: ജാസ്സി ഗിഫ്റ്റ്
- Lyricist: കൈതപ്രം