Malayalam lyrics

കാനനസദനത്തിന്‍ മണിമുറ്റത്തലയുന്ന
കല്യാണസൌഗന്ധിക മലരേ
ഏതൊരു മാമുനി തന്‍ ശാപത്താല്‍ നീയിരുളില്‍
ഏകാന്തകാമുകിയായലയുന്നൂ - അലയുന്നൂ
(കാനനസദനത്തിന്‍)
കാണാത്ത കൊട്ടാരത്തിന്‍ കല്ലറവാതിലില്‍
കള്ളീമുള്‍ക്കാവല്‍ക്കാരുറങ്ങുമ്പോള്‍
നിന്നുടെ സ്വപ്നമാകും അമ്പലപ്രാവിനെ
കണ്ണീരിന്‍ കത്തുമായിട്ടയപ്പതെങ്ങോ
(കാനനസദനത്തിന്‍)
ചന്ദനവനങ്ങളില്‍ വീണ വായിക്കുമാ
ഗന്ധര്‍വന്‍ നിന്‍ ഗാനം കേട്ടെങ്കില്‍
പ്രേതലോകത്തിന്‍ തടവുകാരീ നിനക്കു
ശാപമോക്ഷം തന്നെങ്കില്‍.
(കാനനസദനത്തിന്‍)

Song details

വർഷം: 1967

സംഗീതം: ബി എ ചിദംബരനാഥ്‌

ഗാനരചന: പി ഭാസ്കരൻ

ഗായകർ: എസ് ജാനകി

വരികൾ: പാർവതി വേണുഗോപാൽ, ശ്രീദേവി

Album: ചെകുത്താന്റെ കോട്ട