Malayalam lyrics

ദൈവമേ കൈതൊഴാം കേള്‍ക്കുമാറാകണം
പാവമാമെന്നെ നീ കാക്കുമാറാകണം
എന്നുള്ളില്‍ ഭക്തിയുണ്ടാകുമാറാകേണം
നിന്നെ ഞാനെന്നുമേ കാണുമാറാകേണം
നേര്‍വഴിക്കെന്നെ നീ കൊണ്ടുപോയീടണം
നേര്‍വരും സങ്കടം ഭസ്മമായീടണം
ദുഷ്ടസംസര്‍ഗ്ഗം വരാതെയായീടണം
ശിഷ്ടരായുള്ളവര്‍ തോഴരായീടണം
നല്ലകാര്യങ്ങളില്‍ പ്രേമമുണ്ടാക്കണം
നല്ലവാക്കോതുവാന്‍ ത്രാണിയുണ്ടാക്കണം
കൃത്യങ്ങള്‍ ചെയ്യുവാന്‍ ശ്രദ്ധയുണ്ടാക്കണം
സത്യം പറഞ്ഞിടാന്‍ ശക്തിയുണ്ടാക്കണം
ദൈവമേ കൈതൊഴാം കേള്‍ക്കുമാറാകണം
പാവമാമെന്നെ നീ കാക്കുമാറാകണം

Song video

Watch on YouTube

Song details

വർഷം: 1963

സംഗീതം: കെ രാഘവൻ

ഗാനരചന: പന്തളം കേരളവർമ്മ

ഗായകർ: എ പി കോമള

വർഗ്ഗീകരണം: ഭക്തിഗാനങ്ങൾ

അഭിനേതാക്കൾ: ബേബി വിനോദിനി

വരികൾ: ശ്രീദേവി

Album: അമ്മയെ കാണാൻ