Malayalam lyrics

പൊട്ടിച്ചിരിക്കുവിൻ കുഞ്ഞുങ്ങളേ
പൊട്ടിവിടരുന്നു പൂവെളിച്ചം
മത്തപ്പൂമേട്ടിലും തെച്ചിപ്പൂങ്കാട്ടിലും
കൂട്ടം കൂടി നടന്നു പൂ നുള്ളിയും
കിട്ടിയ പൂവുകൾ പങ്കു വെച്ചും തമ്മിൽ
കെട്ടിപ്പിടിച്ചോണപ്പാട്ടുകൾ പാടിയും
പൊട്ടിച്ചിരിക്കുവിൻ കുഞ്ഞുങ്ങളേ
പൊട്ടിവിടരുന്നു പൂവെളിച്ചം
ലല്ലലല്ലലലല്ലലല്ലല്ലല്ലല്ലലല്ലല്ല
പുസ്തകത്താളിൽ സമത്വവാദം
മുറ്റത്തിറങ്ങിയാൽ വർഗ്ഗയുദ്ധം (2)
തങ്ങളിൽ തല്ലുന്നു മാതുലന്മാർ
പങ്കുവച്ചോടുന്നു മേലാളന്മാർ (2)
ഇന്നോളം നിങ്ങൾക്കു കണ്ണൂനീർ നൽകിയോ
രുന്നതന്മാരേ മറന്നേ പുലരിയിൽ
(പൊട്ടിച്ചിരിക്കുവിൻ..)
മാലോകരൊന്നായ് വാണിരുന്ന
മാവേലിനാടിൽ കഥകളെല്ലാം (2)
പണ്ടേതോ മുത്തശ്ശി ചൊന്നതാവാം
പല്ലില്ലാ സങ്കല്പമായിരിക്കാം (2)
എങ്കിലും നിങ്ങൾക്ക് പാടി രസിക്കുവാൻ
എന്തുണ്ട് വേറെ നിധിയിതു കാക്കുവിൻ പുലരിയിൽ
(പൊട്ടിച്ചിരിക്കുവിൻ..)

Song information

Music: രവീന്ദ്രൻ

Lyricist: ശ്രീകുമാരൻ തമ്പി

Singer: കെ ജെ യേശുദാസ്

Film/album: ഉത്സവഗാനങ്ങൾ 3 - ആൽബം

Explore this song