Malayalam lyrics

ഉത്സവബലിദർശനം എങ്ങും
ഉത്സാഹ വസന്താരവം
തിമിലകളുണർന്നു പൂമലയുയർന്നൂ
ഭക്തി തൻ തിരകളിലമർന്നു ക്ഷേത്രം
ഭക്തി തൻ തിരകളിലമർന്നു
(ഉത്സവ..)
മന്ത്രങ്ങളുരുവിടും തന്ത്രിയിൽ പോലും
സംഭ്രമമുളവാക്കി നിൻ മഞ്ജുരൂപം(2)
ദേവന്മാർക്കൊക്കെയും
വിരുന്നു നൽകുന്നൊരാ വേദിയിൽ
ദേവിയായ് നീ മിന്നി നിന്നു (2)         
(ഉത്സവ...)
വിരുന്നിനു വിളിക്കും മിഴികളുമായ്
തിരക്കിലാ മലർമുഖം എന്നെയും തേടി(2)
ദേവനാക്കേണ്ട നീ
അസുരനാണിന്നു ഞാൻ
വിസ്മൃതി നമ്മുടെ വിജയമാണിപ്പോൾ(2)  
(ഉത്സവ..)

Song video

Watch on YouTube

Song information

Music: രവീന്ദ്രൻ

Lyricist: ശ്രീകുമാരൻ തമ്പി

Singer: കെ ജെ യേശുദാസ്

Raaga: ശ്രോതസ്വിനി

Film/album: ഉത്സവഗാനങ്ങൾ 3 - ആൽബം

Explore this song